Nastat-ek GEODATAPYR · Pirinioak hobeto ezagutzeko datu partekatuak parte hartzen du, Europar Batasunak Interreg VI-A Espainia-Frantzia-Andorra POCTEFA 2021-2027 Programaren bitartez kofinantzatutako mugaz gaindiko proiektua. 

GEODATAPYRen helburua da Espainia-Frantzia-Andorra mugaz gaindiko lurraldeari buruzko lehen geoatari estatistikoa garatzea: Pirinioetako lurraldeetako estatistikak, adierazleak eta kartografia bildu, bistaratu eta alderatzea ahalbidetuko duen plataforma digital, ireki, interaktibo eta eleaniztuna.

Proiektuaren bidez lurraldearen ezagutza partekatua hobetu nahi da eta administrazioen arteko elkarlana eta agintari publikoen ahalmen instituzionala indartu. Horretarako, informazio homogeneoa eta konparagarria emango da, eta, hala, politika publikoak hobeto planifikatzen eta modu koordinatuan diseinatzen lagunduko da.

Proiektuaren emaitza nagusien artean, GEODATAPYRek datu irekiak izango dituen mugaz gaindiko geoatari estatistikoa garatuko du, adierazle harmonizatuekin eta Espainiako, Frantziako eta Andorrako demografia, gizarte, ekonomia, lurralde eta mugikortasunari buruzko informazioarekin. Tresna horri esker, informazio georreferentziatuaren kontsultak eta erabiltzaileen profiletara egokitutako analisiak egin ahal izango dira. Proiektuak, halaber, bultzatuko du erabiltzaileen batzordea eratzea eta sinergiak sortzea Europako beste geoatari, behatoki eta ekimen estatistiko eta kartografiko batzuekin.

GEODATAPYR proiektuak 1.421.729,59 euroko kostua du guztira, eta horietatik 894.410,77 euro Eskualde Garapeneko Europako Funtsetik (EGEF) datoz, hau da, kofinantzaketa-tasa % 62,91koa da.

GEODATAPYR proiektua Europar Batasunak kofinantzatzen du Interreg VI-A Espainia-Frantzia-Andorra (POCTEFA 2021-2027) programaren bidez.

Proiektuaren webgunea