Diputatuen Kongresuak, Senatuarekin batera, Espainiako botere legegilea egikaritzen du. Gaur egun 350 diputatu ditu, sufragio unibertsal, aske, berdin, zuzeneko eta isilpekoaren bidez hautatuak, legeak ezartzen duenez (Espainiako Konstituzioa, 68.1 artikulua). Hauteskundeak lau urtean behin egin ohi dira, eta Diputatuen Kongresuko kideak ordezkaritza proportzionalaren bidez aukeratzen dira, hauteskunde-barruti bakoitzean zerrenda itxiekin, d'Hondt sistemaren arabera.