Manufaktura-sektoreko enpresen konfiantza neurtzen duen adierazle konposatu bat da, Industria Koiunturaren Inkestaren lau aldagaitatik abiatuta kalkulatzen dena:
- Eskaera-zorroa: % 30
- Aurreikusitako produkzioa: % 25
- Aurreikusitako enplegua: % 20
- Produktu bukatuen stocka (zeinu alderantzikatua): % 10
Enpresek Nafarroako ekonomiaren gainean duten konfiantzaren eboluzioa neurtzen duen adierazle konposatu global bat da. Iritzi-inkestak, Industria Koiunturaren Inkesta, Eraikuntzaren Koiunturari buruzko Inkesta eta Zerbitzuen Koiunturari buruzko Inkesta abiapuntu hartuta eraikitako Industriaren, Zerbitzuen eta Eraikuntzaren urtaro-eraginik gabeko azpiadierazleak gehituta eraikitzen da.
Urtaro-doikuntza metodo estatistiko bat da, urtaro-eragin errepikatuen eta egutegi-efektuen serieak iragazteko aukera ematen duena, ematen duen informazioa argiagoa eta interpretatzen errazagoa izan dadin.
Urtaroko fluktuazioak hil, hiruhileko edo urtaro bakoitzean antzeko intentsitatearekin gertatzen diren mugimenduak dira, eta gertatzen jarraitzea espero da. Egutegiaren eraginak honela definitzen dira: aldagai baten denbora-seriean gertatzen den inpaktua, hilabeteek (edo hiruhilekoek) urte desberdinetan duten egitura desberdinaren ondorioz (bai luzeran, bai osaeran), nahiz eta aldagai horretan eragiten duten gainerako faktoreak konstante mantentzen diren.
Serie desestazionalizatuek, hau da, urtaro-eraginak eta egutegiaren ondorioak zuzenduta dituztenek, serie batean "berria" denaren zenbatespena ematen dute (joera-aldaketa, zikloa eta osagai irregularra).
Urtaroko eraginen maila eta norabidea hainbat faktoreren mende daude, hala nola jarduera ekonomikoaren mende (hotelen fakturazioak gora egiten du normalean oporretan, eta ekoizpen industrialak behera egiten du udan).
