Eduki publikatzailea

Biztanleriaren euskara-ezagutzaren araberako estatistika

Argitalpen-data: 2024-mai-17 Datuen erreferentzia: 2022. urtea

3 urte edo gehiagoko biztanleen % 26,7k euskara-ezagutzaren bat dute

Euskarazko hizkuntza-gaitasuna. 2022an, 3 urte edo gehiagoko euskaldunen proportzioa % 15,1ekoa da, euskaldun hartzaileena % 11,6koa eta ez-euskaldunena % 73,3koa.

Sexua. 2021. urtearekin alderatuta, emakume euskaldunen ehunekoak 3 hamarren egin du gora.  Gizonei dagokienez, euskaldunen ehunekoak hamarren bat egin du gora. Euskaldun hartzaileen ehunekoa, bai gizonena bai emakumeena, aurreko urtekoaren antzekoa da.

Adina. Euskaldunen ehunekoa aurreko urtekoaren antzekoa da 25 urtetik beherakoen artean.

Nazionalitatea. Atzerritar nazionalitatea duten euskaldunen eta euskaldun hartzaileen ehunekoa aurreko urtean bezala mantendu da.

Jaioterria. Jaioterria erabakigarria da biztanleriaren euskara-ezagutzan. Horrela, eremu euskaldunean  jaiotakoen % 74,3 euskaldunak dira, eta zifra hori % 2,9ra besterik ez da iristen eremu ez-euskaldunean jaiotakoen artean.

Bizilekuaren hizkuntza-eremua. 2022. urtean, eremu euskaldunean bizi direnen % 62,0, eremu mistoan bizi direnen % 13,8 eta eremu ez-euskaldunean bizi direnen % 2,8 dira euskaldunak.  

Udalerriak. Euskaldunen proportzioa % 80,0tik gorakoa da Nafarroako Foru Komunitateko 272 udalerrietako 20tan. Udalerri horiek guztiak eremu euskaldunean daude.

C_contacto

Nastatekin harremanetan jartzeko logoa

Arrieta kalea 25, 1. solairua. 31002 - Iruña
Tel.: 848 423400 | Faxa: 948 423428
Jarri Nastatekin harremanetan postontziaren bidez