Etxeen Koiuntura Ekonomikoari buruzko inkesta.
Gabonetako gastuen modulua

Nafarroako kontsumitzaileen % 72,0k egiten dute aparteko gasturen bat gabonetan

Loteria da gehien egiten den erosketa, opari-jostailuekin eta janari-edariarekin batera.

Covid-19ak eragindako egoeraren inpaktua desagertu egin da gabonetako erosketetan, eta pandemiaren aurrekoen antzeko kontsumo-patroietara hurbildu dira.
 

Gastuak. 2023. urtean, Nafarroako kontsumitzaileen % 72,0k egiten dute aparteko gasturen bat gabonetan. Ehuneko hori joan den urtekoa baino handiagoa da (% 71,7 joan den urtean), baina 2019koa baino txikiagoa (% 81,6 urte horretan).

Gabonetako gastuak aurreratzea. Inkesta egin dutenen % 46,6k aurreratu dituzte gabonekin zerikusia duten produktuen erosketak. 2023. urtean, portaera horren arrazoi nagusia prezioen igoera saihestea izan da (hori adierazi dutenak inkesta egin dutenen % 42,9 izan dira, eta % 52,2 izan ziren 2022an), eta, neurri txikiagoan, sustapenak eta deskontuak baliatzea (% 17,2) eta eginkizunak aurreratzea (% 16,8).

Gabonetako gastu-maila. Joan den urteko gabonetako gastu-mailarekin alderatuta, gabonetako erosketak egingo dituzten nafarren % 18,4k uste dute 2023an gutxiago gastatuko dutela (% 22,3 ziren 2022an), % 38,3k uste dute diru kopuru bera gastatuko dutela (% 36,3 ziren 2022an), eta % 43,2k adierazi dute gehiago gastatuko dutela (% 41,4 ziren 2022an).

Urtarrileko aldapa. Azkenik, urtarrileko aldapari dagokionez, % 50,9k uste dute aurreko urteetan bezala gaindituko dutela, % 46,3k uste dute zailagoa izango dela gainditzea (% 48,5 ziren 2022an), eta % 2,8k uste dute errazagoa izango dela.