Lan kostuari buruzko hiruhileko inkesta

Nafarroan, lan-kostua % 4,4 igo da 2023ko laugarren hiruhilekoan, 2022ko aldi berarekin alderatuta.

Urte arteko bilakaera. Enpresen langileko eta hileko lan-kostua 3.446,70 eurokoa izan da 2023ko laugarren hiruhilekoan Nafarroan. Hortaz, % 4,4ko aldakuntza gertatu da aurreko urteko aldi berarekin alderatuta. 

Erkidegoen arabera. Nafarroako kostua Estatuko batez besteko kostua baino 300,71 euro handiagoa izan da, eta hirugarren handiena da, Madrilgo Erkidegoaren (3.687,35 euro) eta Euskal Autonomia Erkidegoaren (3.643,50 euro) atzetik. Extremadurak, berriz, kosturik txikiena izan du: 2.501,06 euro langileko.

Kostuaren osagaiak. Nafarroako guztizko lan-kostutik, 2.596,56 euro Soldata Kostuei dagozkie (% 3,7ko igoera izan da aurreko urteko aldi berarekin alderatuta), eta 850,14 euro Beste kostu batzuei  (2022ko aldi berean baino % 6,3 gehiago). 

Espainia osoa. Enpresen lan-kostua 3.145,99 eurokoa izan da (% 5,0), soldata-kostua 2.359,38 eurokoa (% 4,0) eta beste kostuak, berriz, 786,61 eurokoak (% 8,0).